تعرفوا أنا هتجنن خلااص ......آه والله بجد .....هو فيه ايه يا مسلمين ....؟؟ هو انا رايحة على فين ....؟؟
اقولكم انا مش هتجنن .......لا لا لا دا اتجننت خلااص ....!!
فاسمعوا كلامى ....يمكن حد يقولى انتى لسه عاقلة ولا حاجة .....
الحكاية وكل مافيه
بنت عادية جدا ....بس قلبها بحب ربها ورسولها مليان .....بتبكى اوى لما تشوف حال المسلمين والاسلاام ....!!
مكنتش فاهمة كتير عن دينها زمان .....بس لما جيت تفهم غرقت فى بحر الحيرة والتوهان ....
عايزة تعرف مين والصح ومين الغلطان ......؟؟!!
حبت تسير على نهج صح فى حياتها بس لما دورت لاقيت الف سكة ومليون طريق كمان ....!!
لاقيت سنة وشيعة وسلفية واخوان ...... وغيرهم وغيرهم لا عدد ولا حصران ....!!
راحت اتكلمت مع الاخوان واتعاملت معاهم كتير كمان .....لاقيت فيهم ناس كويس وناس تانية اى كلاام .....؟!
راحت تسمع السلفيين وتشوف الناس دول علىفين واخدنا ورايحين .......سمعت من كتير وبدأ التوهان من زمان ....!!
مسلمين .....أيوة مسلمين ....طب ليه واقفين لبعض ع الفاضى والمليان .....؟!!
ليه نلاقى شيوخ بيكفروا بعض ويشتموا بعض على ذلات لسان .....وانا لا عارفه مين الصح ولا مين الغلطان .....؟؟!!
مليووووووووووووووون فتوى وفتوى من مليون شيخ وانسان .....؟؟!! أصدق مين ولا مين ؟؟ ....قولولى بالله عليكم على فين رايحين .....؟؟!!
حد يتشدد فى كلامه وحد يتساهل فى كلامه حد يتنطع فى كلامه وحد يجادل ويحاور ويجيب ثغرات .....حد يفتى ويفتح فى امور بس للتوهان ...؟؟!1
لا عارفه اصدق مين واكدب مين .....؟؟
ولا عارفه على فين رايحين .....؟؟!!
قولت يابت سيبك من كلاام الناس دا ....روحى اقرى كتب يمكن تلاقى يفيدك ويحميكى من التوهان والعسران ......؟؟
قولت أبدأ بحاجات بسيطة عن الصحابة واجمل ناس بتوع زمان .....قريت كتاب عن عثمان بن عفان ......كان اسمه وداعا عثمان ....واسم على مسمى ياريت كان فيه حد فيه ذرة منك يا عثمان ....؟!
قولت طب اقرا تانى يمكن الاقى كمان وكمان ......
قولت انا عايزة افهم امور دينى للمرأة والشريعة والاحكام ......روحت قريت كتاب عن فقه المرأة اديهولى صاحب المكتبة الدينية ....قولت دا اكيد راجل تمام
روحت بيتنا قريت الكتاب ....من كتر حرصى على تنفيذه ...جالى الوسواس الخناس .....
لاقيت فيه فتاوى غريبة وتشدد غريب كمان .....!!
قولت اكيد استعجلت ....لازم خطوة خطوة مش مرة واحدة ع الفقه كدا نروح رايحين ويبدأ التوهان ......!!
قولت ارجع تانى اسمع شيوخ ودعاة يمكن ربنا يهدينى والاقى شيخ محترم او دعاة كويسين كدا وينجدونى من امواج الغرقان ......!!
لاقيت شباب كويسين بيتحاربوا ولاقيت ناس بتكفر ناس ولاقيت شيوخ موقفوش غير عند السبحة بدعة ولا لاء بالذمة دا اسمه كلاام .....!!
لاقيت قنوات كتير الرحمة والناس واقرأ والرسالة وغيرهم كمان وكمان .....وكل واحد بطريقته واختلاف ...عقلى بقى حيران وتايه لا عارف على وين رايح .....؟؟!!
بس تعرفوا انا لسه عايزة كمان وكمان
عايزة قلبى يتملى بحب الرحمن .....ورسوله كمان كمان
تعرفوا قررت ايه
اكون مسلمة وبس اسمع المفيد اللى يقبله عقلى من اى حد او اى شيخ ان كان
الحمد لله على نعمة العقل والاسلاام
ويمكن اكون بخرف ولسه فى غيبوبة التوهان
حد يقولى هو انا اتجننت خلااص ولا لسه فى ليا فرصة ومكان
أشهد ان لا اله الا الله وان محمد رسول الله