انا اسف مش هرجعلك

زائر

مهما هاتبكى مش هارجعلك
مهما تنادى مش هاسمعلك
قلبى خلاص ما بقاش يخضعلك
بعد ما غدرك هز كيانى
وعشت معاك ليل الحرمان
راجع نفسك ترجع تانى
فاكر لسه فى قلبى مكان
بعد ما قلبك تاه وأتغرب
راجع ليه من تان تقرب
فاكرنى حزينه تايهه فى بعدك
مليانى الحيرة ونفسى أرجعلك
ده أنا أنهى حياتى يوم ما أرجعلك
مش هارجعلك
لو تكون أنت الحياة
وفرح عمرى لمنتهاه
هارفض أنى فى قلبك أعيش
وأعيش لوحدى ما يهمنيش
أنا عاوزة قلب من ينسانيش
قلب صادق ما يظلمنيش
قلب عاشق ما يجرحنيش
لكن أنت قلبك ما حبنيش
وبعدت عنى وما عرفتنيش
بعد ده كله عاوزنى أسمعلك
مش هارجعلك
لو هاتبكى عيونك بحر دموع
لو تدفع حياتك ما فيش رجوع
لو يطول الليل وما يطلعلوش نهار
لو هاخرج من الجنه وأعيش فى النار
لو عمرى بعدك كله مرار
مش هاضعف يوم أو أضيع وأنهار
ولو تكون نور العيون
لو تكون عاشق بجنون
أنسى حبى وذكرياتى
أو تكون تانى فى حياتى
وكفايه عندى تسهر ليالى
تدوق عذابى واللى جرالى
خليك بعيد أنا مش هاسمحلك
هاتدق بابى..مش هافتحلك
صدقنى أنسى مش هارجعلك

الله عليك يا استاذ امام يا لة من موضوع جميل