اختبر نفسك

اختبار ذكاء





بسيط جدا وصغير اربع اسئله بس اعطيك درجه ذكائك بالمللي



الشروط:





1- اجاباتك لازم تكون تلقائيه وفوريه بدون تفكير

ولديك عشر ثواني لاجابه كل سؤال.





2- ممنوع استخدام الاله الحاسبه ولا ورقه ولا قلم

بالدماغ بس.





3- كل سؤال عليه 25% ( يبقو الاربعه 100% )

فاهم ولا ايه..... احنا لسه مابدئناش!!!!





4- الاجابات الصحيحه هتعرفها في الاخر ...

شوف مستوي ذكائك الأول ....





وبعدين مايهمكش ماحدش شايفك......

جاهز؟؟؟؟؟؟؟؟؟؟؟







السؤال الاول:



انت دلوقتي مشارك في سباق للجري واجتزت المتسابق التاني يبقي انت ترتيبك بقي الكام؟؟؟؟





بتقول ايه؟؟؟ الاولاني؟؟؟؟؟؟



غلط يا معلم بس مايهمكش ده مش معناه انك غبي.... يمكن تكون مافطرتش كويس ولا حاجه او لسه مادخلتش في المود

عموما معلش قدامك لسه ثلاث فرص





ركز بقي يا حاج..........





السؤال التاني:





دلوقتي انت اجتزت المتسابق الاخير يبقي ترتبك بقي الكام.....







بسرعه اخلص جاوب.......





اللي قبل الاخير؟؟؟؟؟؟؟؟؟؟؟



غلط برضه...........





وانت كده مفيش قدامك فرصه انك تبقي ذكي...



لكن لسه مابقتش غبي اظبط نفسك بقي وحاول تجاوب اللاثنين الجاين صح



والا بصراحه يبقي عيييب أوى





السؤال التالت:





عمليه حسابيه بسيطه







واافكرك... لا تستخدم اله حاسبه ولا ورقه وقلم مش هاتبقي غبي



وكمان حرامي...............





معاك 1000 نقطة اجمع عليها 40 نقطة واجمع عليها 1000 نقطة


واجمع عليهم 30 نقطة و 1000 نقطة و 20 نقطة


واجمع عليهم 1000 نقطة و10 نقط


كم المجموع دلوقتي............. بسرعه ؟؟؟





لاااااااااااااااااااااااا دانت ضايع بجد...





5000 ؟؟؟؟؟؟؟؟............... غلط غلط





يعني ......... وبتطلامض كمان!!!!!



قلتلك ستعرف الاجابات الصحيحه في الاخر



انت كده لحد دلوقتي تصنيفكك سيئ جدا...



ولو أنا قليل الأدب كنت قلت غبى أوى



بس مش قوي قوي يعني لسه قدامك اخر سؤال



عموما , السؤال الرابع والاخير:







ابو ماري عنده خمس بنات



1- سانا 2- شانا 3- صانا 4- ضانا 5-...........؟





فكر بسرعه ايه اسم البنت الخامسه؟؟؟؟



طانا ؟؟؟!!هههههههه غلط يامعلم



الاجابات الصحيحه اهيه يامعلم



وكم أتمنى إنك تفهمها



1- عديت المتسابق التاني يبقي انت خدت مكانه وانت بقيت التاني برضو مش الاول

يا ابو الذكاء



2- هوا المتسابق الاخير في حد وراه عشان تجتازو يا حلو.....



3- حتي الحساب بتاع ابتدائي !!!!!! المجموع 4100 مش 5000

وهترجع تتلامض تاني احسبها بالاله واتاكد بنفسك





4- بقولك ابو ماري يبقي البت الخامسه اسمها ماري..... مش محتاجه زكاء يعني يا......





ملحوظه:

بمستوي الدماغ الجامد أوى ده !!!!!!!





احمد ربنا انك لاقي شغلانه بتاكل منها عيش