واحد تقييييل اوووووووووووي

[size=24][color=blue]يويو : عطشانة

هو : وأنا كمان

يويو: يعنى ... عايزة اشرب

هو : أكيد مادام عطشانة يبقى عايزة تشربي

يويو : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة

هو : ومين اللي هيحاسب ؟؟

يويو: أنت طبعاً

هو : منين ياحسرة .. ماانتى عارفة الكانز وغطاه

يويو: ماقلتش عايزة كانز .. كفاية إزازة صاروخ

هو : طب لو هاتجيبى اعزمينى معاكى .

يويو : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك

يويو: قصدي تعزمنى في مكان شاعري

هو : في الحر ده .. ماينفعش

يويو: بلاش دى .. نأخد مركب عالكورنيش

هو : المراكب بتغرق اليومين دول .. خلينا ع البر أحسن

يويو: بلاش المركب تعالى نأكل ترمس .. أظن ده رخيص

هو : إنتى تضمني منين إن الراجل غاسل إيده وغاسل الترمس

يويو: أعوذ بالله .. إنت مقفلها كده ليه ؟؟

هو : بصراحة معييش فلوس

يويو: يا سلام!! .. ماأنت كان معاك إمبارح

هو : إمبارح دخلت السينما مع بنت حلوة كده فالفلوس خلصت

يويو : بنت حلوه ؟؟!! وبتقولها في وشى

هو : أكذب عليكى يعنى

يويو: لأ .. تحرق دمى أحسن

هو : أنا مش شامم ريحه شياط يعني

يويو : يخرب بيت البرود

هو : برود إيه ؟؟ ماهو الجو مولع أهو

يويو : إنت اللي بارد

هو : بارد إزاى ؟؟ دا أنا بشُر عرق

يويو : بقولك إيه .. روحنى

هو : أروحك ؟! هو إنتى ماتعرفيش تروحي لوحدك

يويو : آآآآه .. طب أنا ماشية

هو : ليه يا حبيبتي؟؟

يويو: حبك برص

هو : والله البرص بيفهم عشان حبني

يويو : بجد كده كتير

هو : كتير إيه ؟؟

يويو : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشى ؟؟

يويو: أيوة وحالاً كمان

هو : طب استني لما نوصل آخر الشارع

يويو: اشمعنى ؟؟

هو : أصل أنا ساكن هناك .. و مايرضكيش أروح لوحدى

يويو : لااااااااااااااااااااااا

هو : ينفع كده ترمي نفسك في الميه مين هايوصلني بقى

شفتوا يا جماعة اهو الرجل هيروح لوحده يرضيكم كده ظلم البنات
بجد صعبان عليا اوى

انا مش عارفا بطل اختارو انتو بطل وانا اكتبه[/color][/size]

ياعينى على يويو هتوحشنا والله
مشكوررررررررررررر
منار