دموع الشوق

دموع الشوق بعيوني
وأحزاني تخاويـــــني

ثواني ليلتي غربة
وأعيش بعالم الحــرمان

أدور بدنيتي تايه
ولا فيه من يــــسليني

سوى ذكرى قديمة
في خواطر فكري السهران

أنا من جرح الفراق
تحترق بقايا لهفة سنيني

وأماني عشتها كانت
تجول بقلبي الولــهان

غريبة لحظتي صارت
هموم ماتخــــليني

تبين للزمن حالي
وترسم لها شقا إنسـان

حبيبي لهفتي زادت
وشوقي لك سكن فينـي

متى تجمع ليالينا
أماني عمري الخسـران

ترى طيفك معي دايم
بليل الهم يضـــويني

‏ينور لي مسافاتي
ويروي لهفة الظمـيان

غلاك بخافقي زايد
وطيفك دايم بعـــيني

وصوتك بسمة أيامي
وحبك يسكن الوجـدان