تابع معلومات بطاريات اللاب توب

سطوع الشاشة
ومعروف إنه كلما زاد السطوع زاد الإستهلاك للبطارية ، لذلك يفضل
التقليل من السطوع وطريقتها إنك تضغط زر fn مع زر f6 وطبعا
تختلف من جهاز لآخر بس المهم إنك تضغط زر fn + زر مرسوم
عليه شمس وسهم لأ
تشغيل عدة برامج
المستخدم اللي يفتح ثلاثة برامج وكم صفحة نت ، وفاتح الماسنجر
يبربر ولعبة يدهر عليها وملف صوتي يسمعه وبعد كل هذا يقول ليه
بطاريتي خلصت بسرعة؟!
خلصت لأنك استهلكت البطاريه كثيييير ، برضه إذا كنت شابك هارديسك
خارجي أو فلاش - طابعة - ماسح ضوئي - سي دي ، المقصود أي
جهاز خارجي مشبوك مع جهازك بيستهلك من البطارية .

[ 4 ]
عملية إغلاق جهاز الكمبيوتر تستهلك بطارية!!
الحين إذا قفلنا الجوال وجينا فتحناه عقب ، نلاحظ إن البطارية نقصت!
الشي هذا موجود حتى في اللاب توب ، لأن استهلاك الطاقة مايوقف
توقف تام ، طيب كيف أحل هالمشكلة وأخلي الاستهلاك يوقف بمجرد
إيقاف التشغيل؟!

الحل : إبدأ > تشغيل > نكتب " regedit " > بيفتح لنا نافذة محرر
التسجيل وفيها خمس مجلدات > نفتح المجلدات التالية بالترتيب :

HEKY-CURRENT-USER
Control Panel
desktop

بعد مانختار الأخيرة بيفتح لنا في الجهه الثانية " على اليسار " عدة
ملفات ، نبحث عن ملف اسمه " power off active " ، نضغط عليه
باليمين : ونختار تعديل ، نغير القيمه الموجوده من زيرو إلى واحد
بعدين موافق
وبعد كذا بنلاحظ إن البطارية تصير محفوظه ولا تنقص بعد الإغلاق.

[ 5 ]
البرامج اللي تكون تحت عند الساعة وتكون مفتوحة ، هذي تستهلك
من البطارية لذا يفضل إغلاقها عند عدم الحاجة إليها .

[ 6 ]
المواصفات
طبعاً كل شي زين له ضريبة ، وضريبة المواصفات الزينة للجهاز هي
استهلاكها الشديد للبطارية ، والمواصفات يقصد بها مواصفات الهارديسك
والذاكره والمعالج .

[ 7 ]
الواير لس
الأشياء السابقة ممكن تكون معروفة لكن اللي قليل يعرفونه وكان يقوله
( المهندس إسلام عبد الحميد في برنامج حياة تك ) إن البلوتوث
يستهلك من البطارية ، لأنه يشتغل على الواير لس ويظل طوال
الوقت يبحث عن أجهزة حوله ، لذا ينصح إنك تقفل البلوتوث بعد
ماتستخدمه على طول .

[ 8 ]
الحرارة
الحراره من ألد أعداء البطارية ! ، لأنها تتلف وحدات الليثيوم ،
لو كنت شايل بطاريتك يشترط إنك تحفظها في مكان درجة حرارته
معتدله ، طبعا حرارة الجهاز ما تأثر لأن البطارية مصممة على إنها
تتحملها لكن الحرارة الخارجية تأثر بشكل كبير .
وغير الحرارة فيه الرطوبة ، يعني أهل جدة والشرقية تخرب
بطاريتهم بسرعة ههههههههههه << فاهم غلط

طيب كيف تزيد حرارة البطارية؟!




في الصورة شرح التركيب الداخلي لبطارية الليثيوم ،
والخضراء هي الخلايا ،
والشي اللي فوق الخلايا " يرمز له بالحرف A " هذا يسمى مجس
كهربائي وهو له وظيفه مهمه جداً وهي مراقبة حرارة البطارية !
مثلاً لو تركت جهازك في السيارة وتعرضت البطاريه لحراره شديدة
وجيت تشغل الجهاز بعد فترة ، بتلاحظ إن الجهاز ماينفتح على طول ،
يقعد فترة بعدين يفتح ، والسبب إن المجس الكهربائي في حالة تعرض
البطارية للحرارة يمنع تشغيل الجهاز عشان ماتزيد حرارة البطارية ،
ولا يسمح بتشغيل الجهاز إلا بعد مايبرّد البطارية لأن لو شغّله ممكن
تتعرض البطارية للإنفجار!

طيب كيف تنفجر البطارية؟!




هذي الصورة فيها شرح تركيب خلية واحدة ، الخلية حولها
ثلاثة رقائق :
الالكترود الموجب - العازل - الالكترود السالب ، وكل هالرقائق
مغمورة في سائل اسمه الايثر .
طيب الحين نشرح كيف تحترق البطارية ، العازل اللي موجود
في الخلية شغلته إنه يعزل الالكترود الموجب عن السالب ،
الحين لو زادت حرارة البطارية بيشتعل الايثر وإذا اشتعل
بيحترق العازل وطبعا إذا احترق بيتلاقى الالكترود الموجب مع
السالب وتلاقيهم ينتج عنه حرارة هائله جداً تحرق الخلية كلها
والنار الناتجة عن حرق هالخلية الواحدة بتحرق كل الخلايا
المجاورة وبالتالي تنفجر كل البطارية !

وفي المقطع التالي نشوف ناس مهبل تحرق بطارية الجهاز ، لا بعد
من زود الهبال يوم انفجرت صرخوا بفرح عامر : أوووووه ياااااا



https://www.youtube.com/watch?v=WeWq6rWzChw




طبعاً أي شي بالدنيا لو أجهدته بالعمل يحتاج تنشيط ،
حتى الآدمي اللي هو الإنسان
لو تعب في الدوام وحامت كبده بيحتاج إلى تغيير جو وتنشيط ،
والبطارية كمان عاوزه كده
وطريقتها إنك تسوي لها عملية تفريغ وشحن ( كل شهر ) !
وهي إنك تشحن البطارية كاملة وإذا وصلت 100% إفصل عنها
سلك الشاحن واشتغل عليها لين ُتستهلك وتوصل 0% ،
وبعد كذا ارجع اشبك سلك الشاحن وخله مشبوك إن
بغيت إلى الشهر الجاي
هنا فيه شي مهم يجب أن يُذكر ، وهو إن بطاريات الليثيوم إذا خربت لا تُصلح !
لأن الفني اللي بيصلحها لك ممكن يغير ترتيب الخلايا ،
يحسبها مثل بطارية الريموت إذا ضعفت نغير ترتيبهم عشان تشتغل
وهالشي ماينفع نسويه في بطارية الجهاز لأن الخلايا مرتبة ترتيب معين
وليس عشوائي وأي تغيير فيه ممكن يسبب مشاكل إذا رجعتها للجهاز!
عاد إذا مايهمك وودك تحترق بكيفك هذا شي راجع لك
وإذا نويت تشتري جديدة لازم تنتبه لثلاثة أشياء :
تاريخ الإنتاج - 8 خلايا - ويفضل إنها تكون من نفس شركة جهازك .
إذا كنت قاعد تتفرج على فيديو بالجهاز ، بتلاحظ إنك بين فترة
والثانية لازم تحرك الماوس عشان تروح الشاشة السوداء اللي
ظهرت ، وكثير من الناس تظن إن هالشاشة لها علاقه بشاشة
التوقف ، بينما علاقتها الحقيقية هي بالبطارية والشاحن
طيب كيف نجعل هالشاشة السوداء ماتظهر؟!
الحل من خيارات خصائص الطاقة ، وفيها أشياء ثانية تقدر تعدلها،
إذن هيّا بنا نلعب بخيارات الطاقة

* تقدر تدخل لها بطريقتين :
1- كليك يمين على أي مكان في سطح المكتب > خصائص > تبويب شاشة
التوقف > الطاقة
2- كليك يمين على رمز البطارية بجوار الساعة > ضبط خصائص الطاقة
الشاشة السوداء :
من " إعدادات نظام الطاقة - محمول \ محمول صغير "
بعدين من " إيقاف تشغيل جهاز العرض " : نختار أي وقت نبغاه
وطبعاً أقصى شي هو : " بعد 5 ساعات "
الخيار هذا نسويه للاثنين : الكهرباء + البطارية .
من هنا تقدر تعدل " إنذار البطارية الضعيفة "
أكثر الأجهزة يجيها إنذار إن البطارية فارغه إذا وصلت 10%
وتقدر من هالنافذه تغيرها وتخليها زي ماتبي :
0% أو 20 % ، آز يو لايك
من هنا تشوف كم باقي على البطارية ويقضي شحنها
فيه هنا شي مهم ، يجي يعطيك إن الباقي مثلا ساعتين
وتتفاجأ بعد ساعة بس إنه يقول خلاص البطارية فضت
والسبب طيب؟! .. السبب إن الوقت اللي يعطيك إياه
هو في حالة الإستهلاك الطبيعي ، لكنك تزيد الإستهلاك
بتشغيل برامج كثيرة وهذا اللي يقلل الوقت .
من " أزرار الطاقة "
تقدر تغير خيارات " عند إغلاق غطاء جهاز الكمبيوتر المحمول "
فيه خيارين : وضع إستعداد " وهو اللي إذا رجعت تفتح الغطاء يطالبك
بكلمة مرور وهذا طبعا ًفي حالة إنك حاط كلمة مرور لجهازك "
بس عيب هالخيار إنك إذا اغلقت الغطاء ينقطع الاتصال بالانترنت .
الخيار الثاني