مسكت القلم

مسكت القلم اكتب همومي
نزلت دموع القلم قبل ما تنزل دموعي
سبت القلم ومشيت ناسي الزمان
جاني الألم وقلبي اتخنق بين ضلوعي

وعجبي...

الدنيا كراسة والسنين مقلمة
قلم بيكتب على السطور ملحمة
وقلم رصاص باين عليه مكسور
كانت نهايته على الطريق اترمى

وعجبي...

في الغربة ماشي شايف حاولي بيوت
ناس بتتولد ويا ما بكرة ناس هتموت
وأهي دنيا وعلى البشر بتدور
ومهما تعمل يا قلبي هو ده المكتوب

وعجبي...

الدنيا مركب فيها البشر بحارة
تتوه الدنيا بينا ولا لاقيا ليها منارة
وفجأة يعلي الموج فوق الشراع
ضاع البشر يا خسارة ألف خسارة

وعجبي...

الدنيا لوحة فيها البشر ألوان
فيها لون يزهزه للنظر ويبان
ولون باهت بالهموم مخنوق
كان الحبيب يوم ماتجرح واتخان

وعجبي...

الله عليك جاهين وبرافو عليكي يويو فكرتينا بحاجات جميلة قصيرة عباراتها بس معناها عميق بجد انت روعة

الدنيا كراسة والسنين مقلمة
قلم بيكتب على السطور ملحمة
وقلم رصاص باين عليه مكسور
كانت نهايته على الطريق اترمى